ΑΥΤΟΜΕΛΑ ΑΠΟΛΥΤΙΚΙΑ, ΚΟΝΤΑΚΙΑ, ΚΑΘΙΣΜΑΤΑ
῏Ηχος Β΄ (Δι)
Εὐσπλαγχνίας ὑπάρχουσα πηγὴ (δ)
συμπαθείας ἀξίωσον ἡμᾶς, θεοτόκε, (β)
βλέψον εἰς λαὸν τὸν ἁμαρτήσαντα, (δ)
δεῖξον ὡς ἀεὶ τὴν δυναστείαν σου· (β)
εἰς σὲ γὰρ ἐλπίζοντες (δ) τὸ χαῖρε βοῶμέν σοι, (δ)
ὡς ποτὲ ὁ Γαβριὴλ (δ) ὁ τῶν ἀσωμάτων ἀρχιστράτηγος (δ)
[Παρακλητική, δευτέρα πρωί, καθίσματα]
Τὰ ἄνω ζητῶν τοῖς κάτω συναπτόμενος (δ)
καὶ ἅρμα πυρὸς τὸν στῦλον ἐργασάμενος (β)
δι' αὐτοῦ συνόμιλος (δ) τῶν ἀγγέλων γέγονας, ὅσιε, (δ)
σὺν αὐτοῖς Χριστῷ τῷ Θεῷ (δ)
πρεσβεύων ἀπαύστως ὑπὲρ πάντων ἡμῶν (δ).
[῾Ωρολόγιον, 1 σεπτεμβρίου]
Τοὺς ἀσφαλεῖς καὶ θεοφθόγγους κήρυκας, (δ)
τὴν κορυφὴν τῶν ἀποστόλων, Κύριε, (β)
προσελάβου εἰς ἀπόλαυσιν (δ) τῶν ἀγαθῶν σου καὶ ἀνάπαυσιν· (β)
τοὺς πόνους γὰρ ἐκείνων καὶ τὸν θάνατον (δ)
ἐδέξω ὑπὲρ πᾶσαν ὁλοκάρπωσιν, (δ)
ὁ μόνος γινώσκων τὰ ἐγκάρδια (δ).
[῾Ωρολόγιον, 29 ἰουνίου]
Τοῖς τῶν αἱμάτων σου ῥείθροις, Δημήτριε, (δ)
τὴν ἐκκλησίαν Θεὸς ἐπορφύρωσεν (β)
ὁ δούς σοι τὸ κράτος ἀήττητον (δ)
καὶ περιέπων τὴν πόλιν σου ἄτρωτον· (δ)
αὐτῆς γὰρ ὑπάρχεις τὸ στήριγμα (δ).
[῾Ωρολόγιον, 26 ὀκτωβρίου]
Τὴν ἄχραντον εἰκόνα σου (δ) προσκυνοῦμεν, ἀγαθέ, (δ)
αἰτούμενοι συγχώρησιν (δ) τῶν πταισμάτων ἡμῶν, Χριστὲ ὁ Θεός· (β)
βουλήσει γὰρ ηὐδόκησας σαρκὶ ἀνελθεῖν ἐν τῷ σταυρῷ, (δ)
ἵνα ῥύσῃ οὓς ἔπλασας (δ) ἐκ τῆς δουλείας τοῦ ἐχθροῦ· (β)
ὅθεν εὐχαρίστως βοῶμέν σοι· (δ)
χαρᾶς ἐπλήρωσας τὰ πάντα ὁ σωτὴρ ἡμῶν (δ)
παραγενόμενος εἰς τὸ σῶσαι τὸν κόσμον (δ).
[Τριῴδιον, κυριακὴ ὀρθοδοξίας, ἑσπερινός]
Τὴν ἐν πρεσβείαις ἀκοίμητον θεοτόκον (δ)
καὶ προστασίαις ἀμετάθετον ἐλπίδα (β)
τάφος καὶ νέκρωσις οὐκ ἐκράτησεν, (δ)
ὡς γὰρ ζωῆς μητέρα (δ) πρὸς τὴν ζωὴν μετέστησεν (β)
ὁ μήτραν οἰκήσας ἀειπάρθενον (δ).
[῾Ωρολόγιον, 15 αὐγούστου]
῾Ο εὐσχήμων ᾿Ιωσὴφ ἀπὸ τοῦ ξύλου καθελὼν (δ)
τὸ ἄχραντόν σου σῶμα, (β)
σινδόνι καθαρᾷ εἰλήσας καὶ ἀρώμασιν, (δ)
ἐν μνήματι καινῷ κηδεύσας ἀπέθετο· (β)
ἀλλὰ τριήμερος ἀνέστης, Κύριε, (δ)
παρέχων τῷ κόσμῳ τὸ μέγα ἔλεος (δ).
[Παρακλητική, κυριακὴ πρωί, καθίσματα]
῾Ο σοφίσας ὑπὲρ ῥήτορας τοὺς ἁλιεῖς (δ)
καὶ ἐκπέμψας ὥσπερ κήρυκας πάσῃ τῇ γῇ (β)
ἀφάτῳ φιλανθρωπίᾳ, Χριστὲ ὁ Θεός, (δ)
δι' αὐτῶν κραταίωσον τὴν ἐκκλησίαν σου (δ)
καὶ τοῖς πιστοῖς κατάπεμψον τὴν εὐλογίαν σου, (β)
ὁ μόνος ἐλεήμων καὶ φιλάνθρωπος (δ).
[Παρακλητική, πέμπτη πρωί, καθίσματα]