συμβολή

 

Γένεσις

 

ΚΕΦΑΛΑΙΟΝ 21

 

[Λόγος 25ος]

 

¹ Καὶ Κύριος [ὁ Θεὸς]⁽¹⁾ ἐπεσκέψατο τὴν Σάρραν καθὰ εἶπε, ^1β καὶ ἐ­ποίησε Κύριος⁽²⁾ τῇ Σάρρᾳ καθὰ ἐλάλησε, ² καὶ συλλαβοῦσα ἔτεκε [Σάρ­ρα]⁽¹⁾ τῷ ᾿Αβραὰμ υἱὸν εἰς τὸ γῆρας, ^2β εἰς τὸν καιρὸν καθὰ ἐλάλησεν αὐτῷ Κύριος [ὁ Θεός]⁽¹⁾. ³ καὶ ἐκάλεσεν ᾿Αβραὰμ τὸ ὄνομα τοῦ υἱοῦ αὐτοῦ τοῦ γενομένου αὐτῷ, ὃν ἔτεκεν αὐτῷ Σάρρα, «᾿Ισαάκ». ⁴ περιέτεμε δὲ ᾿Αβραὰμ τὸν ᾿Ισαὰκ⁽³⁾ τῇ ἡμέρᾳ τῇ ὀγδόῃ, καθὰ ἐνετείλατο αὐτῷ [Κύριος]⁽¹⁾ ὁ Θεός. ⁵ ᾿Αβραὰμ δὲ⁽⁴⁾ ἦν ἑκατὸν ἐτῶν, ἡνίκα ἐγένετο αὐτῷ ᾿Ισαὰκ ὁ υἱὸς αὐτοῦ. ⁶ εἶπε δὲ Σάρρα· «Γέλωτά μοι ἐποίησεν ὁ⁽¹⁾ Κύριος⁽⁵⁾· ὃς γὰρ ἂν ἀκούσῃ συγχαρεῖταί μοι». ⁷ καὶ εἶπε· «Τίς ἀναγγελεῖ τῷ ᾿Αβραάμ, ὅτι θηλάζει παι­δίον Σάρρα; ὅτι ἔτεκον υἱὸν⁽⁶⁾ ἐν τῷ γήρᾳ μου». ⁸ Καὶ ηὐξήθη τὸ παιδίον⁽⁷⁾ καὶ ἀπεγαλακτίσθη, ^8α καὶ ἐποίησεν ᾿Αβραὰμ δοχὴν μεγάλην ᾗ ἡμέρᾳ ἀπε­γαλακτίσθη ᾿Ισαὰκ ὁ υἱὸς αὐτοῦ.

⁹ ᾿Ιδοῦσα δὲ Σάρρα τὸν υἱὸν ῎Αγαρ τῆς Αἰγυπτίας, ὃς ἐγένετο τῷ ᾿Α­βραάμ, ^9α παίζοντα μετὰ ᾿Ισαὰκ τοῦ υἱοῦ αὐτῆς, ^{10 (8)}εἶπε τῷ ᾿Αβραάμ· «῎Εκβαλε τὴν παιδίσκην ταύτην⁽⁹⁾ καὶ τὸν υἱὸν αὐτῆς· ^10β οὐ γὰρ μὴ κληρο­νομήσει ὁ υἱὸς τῆς παιδίσκης ταύτης μετὰ τοῦ υἱοῦ μου ᾿Ισαάκ». ¹¹ σκληρὸν δὲ ἐφάνη τὸ ῥῆμα σφόδρα ἐναντίον ᾿Αβραὰμ περὶ τοῦ υἱοῦ αὐτοῦ. ¹² εἶπε δὲ ὁ Θεὸς τῷ ᾿Αβραάμ· «Μὴ σκληρὸν ἔστω τὸ ῥῆμα⁽¹⁰⁾ ἐναντίον σου περὶ τοῦ παιδίου καὶ περὶ τῆς παιδίσκης· ^12β πάντα ἂν ὅσα εἴπῃ σοι Σάρ­ρα, ἄκουε τῆς φωνῆς αὐτῆς, ^12γ ὅτι ἐν ᾿Ισαὰκ κληθήσεταί σοι σπέρμα. ¹³ καὶ τὸν υἱὸν δὲ τῆς παιδίσκης ταύτης εἰς ἔθνος μέγα ποιήσω αὐτόν, ὅτι σπέρ­μα σόν ἐστιν». ¹⁴ ἀνέστη δὲ ᾿Αβραὰμ τῷ πρωῒ καὶ ἔλαβεν ἄρτους καὶ ἀ­σκὸν ὕδατος καὶ ἔδωκε τῇ ῎Αγαρ ^14β καὶ ἐπέθηκεν ἐπὶ τῶν ὤμων αὐτῆς ⁽¹¹⁾ τὸ παιδίον καὶ ἀπέστειλεν αὐτήν.

^14γ ᾿Απελθοῦσα δὲ ἐπλανᾶτο κατὰ τὴν ἔρημον, κατὰ τὸ Φρέαρ τοῦ ὅρκου. ¹⁵ ἐξέλιπε δὲ τὸ ὕδωρ ἐκ τοῦ ἀσκοῦ, καὶ ἔρριψε τὸ παιδίον ὑποκά­τω μιᾶς ἐλάτης. ¹⁶ ἀπελθοῦσα δὲ ἐκάθητο ἀπέναντι αὐτοῦ μακρόθεν ὡσεὶ τόξου βολήν· ^16β εἶπε γάρ· «Οὐ μὴ ἴδω τὸν θάνατον τοῦ παιδίου μου». ^16γ [καὶ ἐκάθησεν ἀπέναντι αὐτοῦ]· ἀνεβόησε δὲ τὸ παιδίον καὶ ἔκλαυσεν⁽¹²⁾. ¹⁷ εἰσήκουσε δὲ ὁ Θεὸς τῆς φωνῆς τοῦ παιδίου ἐκ τοῦ τόπου οὗ ἦν, ^17β καὶ ἐ­κάλεσεν ἄγγελος Θεοῦ τὴν ῎Αγαρ ἐκ τοῦ οὐρανοῦ καὶ εἶπεν αὐτῇ· ^17γ «Τί ἐστιν, ῎Αγαρ; μὴ φοβοῦ· ^17δ ἐπακήκοε γὰρ ὁ Θεὸς τῆς φωνῆς τοῦ παιδίου ἐκ τοῦ τόπου οὗ ἐστιν. ¹⁸ ἀνάστηθι [καὶ] λάβε τὸ παιδίον καὶ κράτησον τῇ χειρί σου αὐτό· εἰς γὰρ ἔθνος μέγα ποιήσω αὐτό». ¹⁹ καὶ ἀνέῳξεν ὁ Θεὸς τοὺς ὀφθαλμοὺς αὐτῆς, καὶ εἶδε φρέαρ ὕδατος ζῶντος· ^19β καὶ ἐπορεύθη καὶ ἐπλήρωσε⁽¹³⁾ τὸν ἀσκὸν ὕδατος καὶ ἐπότισε τὸ παιδίον. ²⁰ καὶ ἦν ὁ Θε­ὸς μετὰ τοῦ παιδίου, καὶ ηὐξήθη· ^20β καὶ κατῴκησεν ἐν τῇ ἐρήμῳ· ἐγένετο δὲ τοξότης. ²¹ καὶ κατῴκησεν ἐν τῇ ἐρήμῳ τῇ Φαράν, καὶ ἔλαβεν αὐτῷ ἡ μήτηρ γυναῖκα ἐκ γῆς Αἰγύπτου.

 

[Λόγος 26ος]

 

²² ᾿Εγένετο δὲ ἐν τῷ καιρῷ ἐκείνῳ καὶ εἶπεν ἀβιμέλεχ καὶ ὀχοζὰθ ὁ νυμφαγωγὸς αὐτοῦ ^22β καὶ φιχὸλ ὁ ἀρχιστράτηγος τῆς δυνάμεως αὐτοῦ πρὸς ᾿Αβραὰμ λέγων· ^22γ «῾Ο Θεὸς μετὰ σοῦ ἐν πᾶσιν οἷς ἐὰν ποιῇς. ²³ νῦν οὖν ὄμοσόν μοι τὸν Θεόν, μὴ ἀδικήσειν με μηδὲ τὸ σπέρμα μου μηδὲ τὸ ὄνομά μου· ^23β ἀλλὰ κατὰ τὴν δικαιοσύνην ἣν ἐποίησα μετὰ σοῦ ποιήσεις μετ᾿ ἐμοῦ, ^23γ καὶ τῇ γῇ ᾗ σὺ παρῴκησας ἐν αὐτῇ». ²⁴ καὶ εἶπεν ᾿Αβραάμ· «᾿Εγὼ ὀμοῦμαι». ²⁵ καὶ ἤλεγξεν ᾿Αβραὰμ τὸν ἀβιμέλεχ περὶ τῶν φρεάτων τοῦ ὕδατος, ^25β ὧν ἀφείλοντο οἱ παῖδες τοῦ ἀβιμέλεχ. ²⁶ καὶ εἶπεν αὐτῷ ἀβιμέλεχ· «Οὐκ ἔγνων τίς ἐποίησέ σοι τὸ πρᾶγμα⁽¹⁴⁾ τοῦτο, ^26β οὐδὲ σύ μοι ἀπήγγειλας, οὐδὲ ἐγὼ ἤκουσα, ἀλλ᾿ ἢ σήμερον». ²⁷ καὶ ἔλαβεν ᾿Αβραὰμ πρόβατα καὶ μόσχους, καὶ ἔδωκε τῷ ἀβιμέλεχ· καὶ διέθεντο ἀμφότεροι διαθήκην. ²⁸ καὶ ἔστησεν ᾿Αβραὰμ ἑπτὰ ἀμνάδας προβάτων [μόνας]. ²⁹ καὶ εἶπεν ἀβιμέλεχ τῷ⁽¹⁵⁾ ᾿Αβραάμ· «Τί εἰσιν αἱ ἑπτὰ ἀμνάδες τῶν προβάτων τούτων, ἃς ἔστησας μόνας;» ³⁰ καὶ εἶπεν ᾿Αβραάμ· «῞Οτι τὰς ἑπτὰ ἀμνάδας ταύτας⁽¹⁶⁾ λήψῃ παρ᾿ ἐμοῦ, ^30β ἵνα ὦσί μοι εἰς μαρτύριον, ὅτι ἐγὼ ὤρυξα τὸ φρέαρ τοῦτο». ³¹ διὰ τοῦτο ἐπωνόμασε τὸ ὄνομα τοῦ τόπου ἐκείνου «Φρέ­αρ ὁρκισμοῦ», ὅτι ἐκεῖ ὤμοσαν ἀμφότεροι. ³² καὶ ἔθεντο ἐκεῖ⁽¹⁷⁾ διαθήκην ἐν τῷ Φρέατι τοῦ ὅρκου⁽¹⁸⁾. ^32β ἀνέστη δὲ ἀβιμέλεχ καὶ ὀχοζὰθ ὁ νυμφα­γωγὸς αὐτοῦ καὶ φιχὸλ ὁ ἀρχιστράτηγος τῆς δυνάμεως αὐτοῦ, ^32γ καὶ ἐπέ­στρεψαν εἰς τὴν γῆν τῶν Φιλιστιίμ. ³³ καὶ ἐφύτευσεν ᾿Αβραὰμ ἄρουραν ἐπὶ τῷ Φρέατι τοῦ ὅρκου ^33β καὶ ἐπεκαλέσατο ἐκεῖ τὸ ὄνομα Κυρίου, «Θεὸς αἰώνιος». ³⁴ παρῴκησε δὲ ᾿Αβραὰμ ἐν τῇ γῇ τῶν Φιλιστιὶμ ἡμέρας πολλάς.

 

Παραπομπαί

21. ¹) 17:16,19,21· 18:10,14· 50:24. Εξ 3:16· 4:31· 20:5. Ρθ 1:6. 1Βασ 2:21. Ψ 11:6· 105:4. Μτ 24:35. Λκ 1:68· 19:44. Ρμ 4:17-20. Γαλ 4:23,28. Ττ 1:2.

²) 17:19,21· 18:10,14. 4Βασ 4:16,17. Λκ 1:24,25,36. Πρξ 7:8. Γαλ 4:22,23,28. Ρμ 9:9. Εβρ 11:11,12.

³) 21:6,12· 17:19· 22:2. ΙσΝ 24:3. Μτ 1:2. Πρξ 7:8. Ρμ 9:7. Εβρ 11:18.

⁴) 17:10-12. Εξ 12:48. Λευ 12:3. Δευτ 12:32. Λκ 1:6,58,59· 2:21. Ιω 7:22,23. Πρξ 7:8. Γαλ 4:27.

⁵) 17:1,17. Ρμ 4:19.

⁶) 17:17· 18:12. Ψ 125:2. Ησ 54:1. Γαλ 4:27. Λκ 1:58.

⁷) 18:11,12,14. Αρ 23:23. Δευτ 4:32-34. Ψ 85:8,10. Ησ 49:21· 66:8. Λκ 1:37. Εφ 3:10. 2Θεσ 1:10.

⁸) 19:3· 26:30· 29:22· 40:20. Κρ 14:10,12. 1Βασ 1:22-24· 25:36. 2Βασ 3:20. 3Βασ 3:15. Ψ 129:2. Ωσ 1:8.

^8-21) Γαλ 4:21-31.

⁹) 16:1,3-6,15· 17:20. 2Βασ 2:14. 4Βασ 2:23,24. 2Παρ 30:10· 36:16. Νε 4:1-5. Ψ 21:6· 41:10· 43:13,14. Ιωβ 30:1. Πρμ 20:11. Θρ 1:7. Γαλ 4:22,29. Εβρ 11:36.

¹⁰) 16:4,5· 25:6· 36:6,7. Ιω 8:33-35. Γαλ 4:30.

¹¹) 17:18· 22:1,2. 2Βασ 18:33. Μτ 10:37. Εβρ 12:11.

¹²) 17:19,21. 1Βασ 8:7,9. Ησ 46:10. Ρμ 9:7,8. Εβρ 11:18.

¹³) 21:18· 16:10· 17:20· 25:12-18.

¹⁴) 16:7,16· 21:5,8. Ιω 8:35.

¹⁵) 21:14. Εξ 15:22-25· 17:1-3. 4Βασ 3:9. Ψ 62:1. Ησ 44:12. Ιερ 14:3.

¹⁶) 27:38· 29:11· 44:34. Κρ 2:4. Ρθ 1:9. 1Βασ 24:16· 30:4. 3Βασ 3:26. Ησ 49:15. Ιερ 6:26. Ζχ 12:10. Λκ 15:20.

¹⁷) 15:1· 16:7,9,11· 46:3. Εξ 3:7· 14:13. 22:23,27. Δευτ 26:7. Κρ 18:23. 1Βασ 11:5. 4Βασ 13:4,23. Ψ 6:8· 49:15· 64:2· 90:15· 106:4-6. Ησ 22:1· 41:10,13,14· 43:1,2. Μτ 15:32. Μρ 5:36.

¹⁸) 21:13· 16:1-12· 17:20· 25:12-18. 1Παρ 1:29-31.

¹⁹) 16:13-14. Αρ 22:31. 4Βασ 6:17-20. Ησ 35:5,6· 48:15. Λκ 24:16-31.

²⁰) 10:9· 16:12· 25:27· 27:3· 28:15· 39:2,3,21· 49:23,24. Κρ 6:12· 13:24,25. Λκ 1:80· 2:40.  ^20-21) 25:9-17.

²¹) 14:6· 24:3,4· 25:9,18· 26:34,35· 27:46· 28:1,2,8,9. Αρ 10:12· 12:16· 13:3,26. Κρ 14:2. 1Βασ 25:1. 1Κορ 7:38.

²²) 20:2,17· 26:26,28· 28:15· 30:27· 39:2,3. ΙσΝ 3:7. 2Παρ 1:1. Ησ 8:10· 45:14. Ζχ 8:23. Μτ 1:23. Ρμ 8:31. 1Κορ 14:25. Εβρ 13:5. Απ 3:9.

^22-24) 26:15-22,26-33.

²³) 14:22,23· 20:14-16· 24:2,3· 26:28· 31:44,53. Δευτ 6:13. ΙσΝ 2:12. 1Βασ 20:13,17,42· 24:21,22· 30:15. Ιερ 4:2. 2Κορ 1:23. Εβρ 6:16.

²⁴) 14:13,22. Ρμ 12:18. Εβρ 6:16.

^25-26) 13:7· 26:15-25.  ²⁶) 12:18· 26:32. Νε 2:12.

²⁷) 14:22,23· 26:28-31· 31:44-45. 1Βασ 18:3. Πρμ 17:8· 18:16,24· 21:14. Ησ 32:8. Ιεζ 17:13. Ρμ 1:31. Γαλ 3:15.

²⁸) 32:16· 33:10-11.

²⁹) 33:8. Εξ 12:26. 1Βασ 15:14.

³⁰) 31:44-48,52. ΙσΝ 22:27,28· 24:27.

³¹) 21:14· 22:19· 26:23,33. ΙσΝ 15:28. 1Βασ 8:2. Αμ 5:5· 8:14.

³²) 21:27,34· 10:14· 14:13· 26:1· 26:8,14· 31:53. Εξ 13:17. Δευτ 2:23. Κρ 13:1. 1Βασ 18:3.

³³) 4:26· 12:8· 14:2· 28:19· 35:6. Εξ 13:11. Αρ 13:22. Δευτ 33:10,27. ΙσΝ 4:6· 8:30. 1Βασ 22:6· 31:13. 2Βασ 18:18. Ψ 89:2. Ησ 9:6· 40:28. Ιερ 10:10. Ρμ 16:20,26. 1Τιμ 1:17.

³⁴) 21:32· 20:1· 22:19· 26:1. Εξ 13:17. Δευτ 2:23. 1Παρ 29:15. Ψ 38:12. Εβρ 11:9,13. 1Πετ 2:11.

 

Σημειώσεις 21ου κεφαλαίου

(1) Εἰς ΠΜ παραλείπεται.

(2) ῾Ετέρα γραφή· Καὶ ἐποίησεν ὁ Θεὸς

(3) ᾿Ενιαχοῦ προστίθεται· τὸν υἱὸν αὐτοῦ

(4) Καὶ ᾿Αβραὰμ ἦν (ΠΜ)

(5) ᾿Ενιαχοῦ μετὰ τὸ Κύριος προστίθεται· ὁ Θεός

(6) ῾Ετέρα γραφή· παιδίον

(7) ῾Ετέρα γραφή· παιδάριον

(8) ᾿Ενιαχοῦ πρὸ τοῦ εἶπε προστίθεται· καὶ

(9) ῾Ετέρα γραφή· ἐντεῦθεν

(10) ΠΜ παραλείπει τὰς λέξεις· τὸ ῥῆμα.

(11) Πολλαχοῦ προστίθεται· καὶ

(12) ἀναβοῆσαν δὲ τὸ παιδίον ἔκλαυσεν (ΠΜ καὶ ἕτεροι ἐκδόται).

(13) ῾Ετέρα γραφή· ἔπλησε (ΠΜ καὶ καὶ ἕτεροι ἐκδόται).

(14) ῾Ετέρα γραφή· ῥῆμα (ΠΜ καὶ ἕτεροι ἐκδόται).

(15) ῾Ετέρα γραφή· πρὸς

(16) Παραλείπεται εἰς ΠΜ καὶ Τίσεντορφ.

(17) ᾿Αντὶ ἔθεντο ἐκεῖ ΠΜ καὶ ἕτεροι ἐκδόται ἔχουν· διέθεντο

(18) ῾Ετέρα γραφή· ὁρκισμοῦ (ΠΜ καὶ Τίσεντορφ).

῞Ετεραι παραπομπαί. ⁸) Ἐσθὴρ 1:3. Β΄ Μακκαβαίων 7:27. ¹⁶) Ἐσθὴρ 8:6.

 

 

 

᾿Εξηγήσεις συμβόλων καὶ στοιχείων