συμβολή

 

Γένεσις

 

ΚΕΦΑΛΑΙΟΝ 18

 

[Λόγος 20ός]

 

¹ ῎Ωφθη δὲ αὐτῷ ὁ Θεὸς πρὸς τῇ Δρυῒ τῇ Μαμβρῇ, ^1β καθημένου αὐτοῦ ἐπὶ τῆς θύρας τῆς σκηνῆς αὐτοῦ μεσημβρίας. ² ἀναβλέψας δὲ τοῖς ὀφθαλ­μοῖς αὐτοῦ εἶδε, καὶ ἰδοὺ τρεῖς ἄνδρες εἱστήκεισαν ἐπάνω αὐτοῦ· ^2β καὶ ἰδὼν προσέδραμεν εἰς συνάντησιν αὐτοῖς ἀπὸ τῆς θύρας τῆς σκηνῆς αὐτοῦ ^2γ καὶ προσεκύνησεν ἐπὶ τὴν γῆν. ³ καὶ εἶπε· «Κύριε, εἰ ἄρα εὗρον χάριν ἐναντίον σου, μὴ παρέλθῃς τὸν παῖδά σου· ⁴ ληφθήτω δὴ ὕδωρ, καὶ νιψά­τωσαν⁽¹⁾ τοὺς πόδας ὑμῶν, καὶ καταψύξατε ὑπὸ τὸ δένδρον· ⁵ καὶ λήψομαι ἄρτον, καὶ φάγεσθε, καὶ μετὰ τοῦτο παρελεύσεσθε εἰς τὴν ὁδὸν ὑμῶν, ^5β οὗ ἕνεκεν ἐξεκλίνατε πρὸς τὸν παῖδα ὑμῶν». ^5γ καὶ εἶπαν· «Οὕτω ποίησον, καθὼς εἴρηκας». ⁶ καὶ ἔσπευσεν ᾿Αβραὰμ ἐπὶ τὴν σκηνὴν πρὸς Σάρραν καὶ εἶπεν αὐτῇ· ^6β «Σπεῦσον καὶ φύρασον τρία μέτρα σεμιδάλεως καὶ ποίησον ἐγκρυφίας». ⁷ καὶ εἰς τὰς βόας ἔδραμεν ᾿Αβραὰμ καὶ ἔλαβε μοσχάριον ἁ­παλὸν⁽²⁾ καὶ καλὸν ^7β καὶ ἔδωκε τῷ παιδί, καὶ ἐτάχυνε [τοῦ] ποιῆσαι αὐτό. ⁸ ἔλαβε δὲ βούτυρον καὶ γάλα καὶ τὸ μοσχάριον ὃ ἐποίησε ^8β καὶ παρέθη­κεν αὐτοῖς, καὶ ἔφαγον· ^8γ αὐτὸς δὲ παρειστήκει αὐτοῖς ὑπὸ τὸ δένδρον.

⁹ Εἶπε⁽³⁾ δὲ πρὸς αὐτόν· «Ποῦ Σάρρα ἡ γυνή σου;» ^9β ὁ δὲ ἀποκριθεὶς εἶπεν· «᾿Ιδοὺ ἐν τῇ σκηνῇ». ¹⁰ εἶπε δέ· «᾿Επαναστρέφων⁽⁴⁾ ἥξω πρὸς σὲ κατὰ τὸν καιρὸν τοῦτον εἰς ὥρας, ^10β καὶ ἕξει υἱὸν Σάρρα ἡ γυνή σου». ^10γ Σάρρα δὲ ἤκουσε πρὸς τῇ θύρᾳ τῆς σκηνῆς, οὖσα ὄπισθεν αὐτοῦ. ¹¹ ᾿Αβρα­ὰμ δὲ καὶ Σάρρα πρεσβύτεροι προβεβηκότες ἡμερῶν, ^11β ἐξέλιπε δὲ τῇ Σάρρᾳ γίνεσθαι τὰ γυναικεῖα. ¹² ἐγέλασε δὲ Σάρρα ἐν ἑαυτῇ λέγουσα· ^12β «Οὔπω [μέν]⁽⁵⁾ μοι γέγονεν ἕως τοῦ νῦν, ὁ δὲ κύριός μου πρεσβύτερος». ¹³ καὶ εἶπε Κύριος τῷ⁽⁶⁾ ᾿Αβραάμ· «Τί ὅτι ἐγέλασε Σάρρα ἐν ἑαυτῇ λέγουσα· ^13β “῏Αρά γε ἀληθῶς τέξομαι; ἐγὼ δὲ γεγήρακα”. ¹⁴ μὴ ἀδυνατήσει⁽⁷⁾ παρὰ τῷ Θεῷ [πᾶν]⁽⁸⁾ ῥῆμα; ^14β εἰς τὸν καιρὸν τοῦτον ἀναστρέψω πρὸς σὲ εἰς ὥρας· καὶ ἔσται τῇ Σάρρᾳ υἱός». ¹⁵ ἠρνήσατο δὲ Σάρρα λέγουσα· «Οὐκ ἐγέλασα»· ἐφοβήθη γάρ. ^15β καὶ εἶπεν αὐτῇ· «Οὐχί, ἀλλ᾿ ἐγέλασας».

 

[Λόγος 21ος]

 

¹⁶ ᾿Εξαναστάντες δὲ ἐκεῖθεν οἱ ἄνδρες κατέβλεψαν ἐπὶ πρόσωπον Σο­δόμων καὶ Γομόρρας. ^16β ᾿Αβραὰμ δὲ συνεπορεύετο μετ᾿ αὐτῶν συμπρο­πέμπων αὐτούς. ¹⁷ ὁ δὲ Κύριος εἶπεν· «[Οὐ] μὴ κρύψω ἐγὼ ἀπὸ ᾿Αβραὰμ τοῦ παιδός μου ἃ ἐγὼ ποιῶ. ¹⁸ ᾿Αβραὰμ δὲ γινόμενος ἔσται εἰς ἔθνος μέγα καὶ πολύ, ^18β καὶ ἐνευλογηθήσονται ἐν αὐτῷ πάντα τὰ ἔθνη τῆς γῆς. ¹⁹ ᾔ­δειν γὰρ ὅτι συντάξει τοῖς υἱοῖς αὐτοῦ καὶ τῷ οἴκῳ αὐτοῦ μετ᾿ αὐτόν, ^19β καὶ φυλάξουσι τὰς ὁδοὺς Κυρίου ποιεῖν δικαιοσύνην καὶ κρίσιν, ^19γ ὅπως ἂν ἐπαγάγῃ Κύριος ἐπὶ ᾿Αβραὰμ πάντα ὅσα ἐλάλησε πρὸς αὐτόν». ²⁰ εἶπε δὲ Κύριος· «Κραυγὴ Σοδόμων καὶ Γομόρρας πεπλήθυνται πρός με, ^20β καὶ αἱ ἁμαρτίαι αὐτῶν μεγάλαι σφόδρα. ²¹ καταβὰς οὖν ὄψομαι, εἰ κατὰ τὴν κραυγὴν αὐτῶν τὴν ἐρχομένην πρός με συντελοῦνται· εἰ δὲ μή, ἵνα γνῶ». ²² καὶ ἀποστρέψαντες ἐκεῖθεν οἱ ἄνδρες ἦλθον εἰς Σόδομα.

^22β ᾿Αβραὰμ δὲ ἔτι ἦν ἑστηκὼς ἔναντι⁽⁹⁾ Κυρίου⁽¹⁰⁾. ²³ καὶ ἐγγίσας ᾿Α­βραὰμ εἶπε· ^23β «Μὴ συναπολέσῃς δίκαιον μετὰ ἀσεβοῦς, καὶ ἔσται ὁ δί­καιος ὡς ὁ ἀσεβής; ²⁴ ἐὰν ὦσι πεντήκοντα δίκαιοι ἐν τῇ πόλει, ἀπολεῖς αὐ­τούς; ^24β οὐκ ἀνήσεις [πάντα τὸν τόπον] ἕνεκεν τῶν πεντήκοντα δικαίων, ἐὰν ὦσιν ἐν αὐτῇ; ²⁵ μηδαμῶς σὺ ποιήσεις [ὡς] τὸ ῥῆμα τοῦτο, τοῦ ἀπο­κτεῖναι δίκαιον μετὰ ἀσεβοῦς, ^25β καὶ ἔσται ὁ δίκαιος ὡς ὁ ἀσεβής. μηδα­μῶς! ^25γ ὁ κρίνων πᾶσαν τὴν γῆν, οὐ ποιήσεις κρίσιν;» ²⁶ εἶπε δὲ Κύριος· «᾿Εὰν εὕρω⁽¹¹⁾ ἐν Σοδόμοις πεντήκοντα δικαίους⁽¹¹⁾ ἐν τῇ πόλει, ^26β ἀφήσω ⁽¹²⁾ πάντα τὸν τόπον δι᾿ αὐτούς». ²⁷ καὶ ἀποκριθεὶς ᾿Αβραὰμ εἶπε· «Νῦν ἠρ­ξάμην λαλῆσαι πρὸς τὸν κύριόν μου, ^27β ἐγὼ δέ εἰμι γῆ καὶ σποδός· ²⁸ ἐὰν δὲ ἐλαττωθῶσιν⁽¹³⁾ οἱ πεντήκοντα δίκαιοι εἰς τεσσαράκοντα πέντε, ^28β ἀπο­λέσεις⁽¹⁴⁾ ἕνεκεν τῶν πέντε [πᾶσαν τὴν πόλιν];» ^28γ καὶ εἶπεν· «Οὐ μὴ ἀπο­λέσω, ἐὰν εὕρω ἐκεῖ τεσσσαράκοντα πέντε». ²⁹ καὶ προσέθετο⁽¹⁵⁾ ἔτι λα­λῆσαι πρὸς Κύριον⁽¹⁶⁾ καὶ εἶπε· «Καὶ ἐὰν⁽¹⁷⁾ εὑρεθῶσιν ἐκεῖ τεσσαράκον­τα;» ^29β καὶ εἶπεν· «Οὐ μὴ ἀπολέσω ἕνεκεν τῶν τεσσαράκοντα». ³⁰ καὶ εἶπε· «Μή τι, κύριε, ἐὰν λαλήσω; ἐὰν δὲ εὑρεθῶσιν ἐκεῖ τριάκοντα;» ^30β καὶ εἶπεν· «Οὐ μὴ ἀπολέσω, ἐὰν εὕρω ἐκεῖ⁽¹⁸⁾ τριάκοντα». ³¹ καὶ εἶπεν· «᾿Επει­δὴ ἔχω λαλῆσαι πρὸς τὸν κύριόν μου⁽¹⁹⁾· ἐὰν [δὲ] εὑρεθῶσιν ἐκεῖ εἴκοσι;» ^31β καὶ εἶπεν· «Οὐ μὴ ἀπολέσω ἕνεκεν τῶν⁽²⁰⁾ εἴκοσι». ³² καὶ εἶπε· «Μήτι, κύριε, ἐὰν λαλήσω ἔτι ἅπαξ· ἐὰν δὲ εὑρεθῶσιν [ἐκεῖ] δέκα;» ^32β καὶ εἶπεν· «Οὐ μὴ ἀπολέσω ἕνεκεν τῶν δέκα». ³³ ἀπῆλθε δὲ [ὁ] Κύριος, ὡς ἐπαύσατο λαλῶν τῷ ᾿Αβραάμ· ^33β ὑπέστρεψε δὲ ᾿Αβραὰμ⁽²¹⁾ εἰς τὸν τόπον αὐτοῦ.

 

Παραπομπαί

(ἡ παραπομπὴ Χ:0 σημαίνει ὅλον τὸ Χ κεφάλαιον)

18. ¹) 13:18· 14:13· 15:1· 17:1-3,22· 26:2· 48:3. Εξ 4:1. 2Παρ 1:7. Πρξ 7:2.

²) 18:22· 19:1· 23:7· 33:3-7· 43:26,28· 44:14. Κρ 13:3,9. Ρθ 2:10. 4Βασ 2:15. Ρμ 12:13. Εβρ 13:2. 1Πετ 4:9.

³) 32:5.

⁴) 19:2· 43:24.

⁵) 19:8· 33:10. Κρ 6:18· 13:15· 19:5. Ψ 103:15. Ρμ 12:13.

⁶) Ησ 32:8. Μτ 13:33. Λκ 10:38-40. Πρξ 16:15. Ρμ 12:13. Γαλ 5:13. Εβρ 13:2· 1Πετ 4:9.

⁷) 19:3. Κρ 13:15,16. Αμ 6:4. Μλχ 1:14. Μτ 22:4. Λκ 15:23,27,30.

⁸) 19:3. Δευτ 32:14. Κρ 5:25· 13:15. Νε 12:44. Λκ 12:37· 17:8· 24:30,43. Ιω 12:2. Πρξ 10:41. Γαλ 5:13. Απ 3:20.

⁹) 4:9· 24:67· 31:33. Ττ 2:5.

¹⁰) 18:13,14· 15:2-4· 16:10· 17:16,19,21· 21:2· 22:15,16. Κρ 13:3-5. 4Βασ 4:16,17. Λκ 1:13. Ρμ 9:8,9. Γαλ 4:23,28. Απ 12:14.

¹¹) 17:17,24· 31:35. Λευ 15:19. Λκ 1:7,18,36. Ρμ 4:18-21. Εβρ 11:11,12,19.

¹²) 18:13· 17:17· 21:6,7. Κρ 19:26. Ψ 125:2. Λκ 1:18-20,34,35. Εβρ 11:11,12. Εφ 5:33. 1Πετ 3:6.  

¹³) Ιω 2:25.

¹⁴) 18:10· 17:21. Αρ 11:23. Δευτ 7:21· Δευτ 30:3· 1Βασ 14:6· 4Βασ 4:16· 7:1,2. Ψ 89:13. Ψ 92:1· 94:3. Ιωβ 36:5· 42:2. Ιερ 39(32):17. Μιχ 7:18. Ζχ 8:6. Μτ 3:9· 14:31· 19:26. Μρ 10:27. Λκ 1:13,18,37· 8:50. Εφ 3:20. Φιλ 3:21· 4:13. Εβρ 11:19.

¹⁵) 4:9· 12:13. Ιωβ 2:10. Ψ 43:21. Πρμ 12:19· 28:13. Μρ 2:8. Ιω 2:25· 18:17,25-27. Ρμ 3:19. Εφ 4:23. Κλσ 3:9. 1Ιω 1:8.

¹⁶) 19:1. Πρξ 15:3· 20:38· 21:5. Ρμ 15:24. 3Ιω 6.

¹⁷) 4Βασ 4:27· 2Παρ 20:7. Ψ 24:14. Αμ 3:7. Ιω 15:15. Ιακ 2:23.

¹⁸) 12:2,3· 22:17,18· 26:4. Ψ 71:17. Πρξ 3:25,26. Γαλ 3:8,14. Εφ 1:3.

¹⁹) 17:23-27· 6:7. Δευτ 4:9,10· 6:6,7· 11:19-21· 32:46. ΙσΝ 24:15· 1Βασ 2:30,31. 2Βασ 7:20. 1Παρ 28:9. Ψ 1:6· 10:4· 33:15· 77:2-9. Ιωβ 1:5. Πρμ 6:20-22· 22:6. Ησ 38:19. Ιερ 22:3,15· 23:5. Ιω 10:14· 21:17. Πρξ 27:23,24,31. Εφ 6:4. 1Τιμ 3:4· 3:5,12. 2Τιμ 1:5· 2:19· 3:15.

²⁰) 4:10· 13:13· 19:13. Ησ 3:9· 5:7. Ιερ 14:7. Ιεζ 16:49. Ρμ 1:18. Ιακ 5:4. Ιδ 7.

²¹) 11:5. Εξ 3:8. Δευτ 8:2· 13:3. ΙσΝ 22:22. Λκ 16:15. 2Κορ 11:11.

²²) 18:1· 19:1.

²³) 18:25· 20:4. Αρ 16:22. 2Βασ 24:17. Ψ 10:4-7· 72:28. Ιωβ 8:3· 34:17. Ιερ 37(30):21. Ρμ 3:5,6. Εβρ 10:22. Ιακ 5:17.

²⁴) 18:32. Ησ 1:9. Ιερ 5:1. Μτ 7:13,14. Πρξ 27:24.

²⁵) Δευτ 32:4. Ψ 10:5-7· 57:10· 93:2· 97:9. Ιωβ 8:3,20· 9:22,23· 34:17-19. Εκ 7:15. 8:12,13. Ησ 3:10,11· 57:1,2. Ιερ 12:1. Μλχ 3:18. Ρμ 3:6. Ιω 5:22-27· 2Κορ 5:10.

²⁶) Ησ 6:13· 10:22· 19:24· 65:8. Ιερ 5:1. Ιεζ 22:30. Μτ 24:22.

²⁷) 2:7· 3:19· 18:30-32. Εσρ 9:6. Ψ 8:4· 143:3. Ιωβ 4:19· 42:6-8. Εκ 12:7. Ησ 6:5· 64:8. Λκ 5:8· 18:1. 1Κορ 15:47,48. 2Κορ 5:1,2.

²⁸) 18:26,29. Αρ 14:17-19. 3Βασ 20:32,33. Ιωβ 23:3,4.

²⁹) Εφ 6:18. Εβρ 4:16.

³⁰) 44:18. Κρ 6:39. Ιωβ 40:4. Ψ 9:12· 10:17· 88:7. Ησ 6:5· 55:8,9. Εβρ 12:28,29.

³¹) 18:27. Μτ 7:7,11. Λκ 11:8· 18:1. Εφ 6:18. Εβρ 4:16· 10:20-22.

³²) 18:30. Εξ 32:9,10,14· 33:13,14· 34:6,7,9,10. Αρ 14:11-20. Κρ 6:39. Ψ 85:5. Ιωβ 33:23. Πρμ 15:8. Ησ 42:6,7· 65:8. Ιερ 5:1. Ιεζ 22:30. Μιχ 7:18. Μτ 7:7. Εφ 3:20. Ιακ 5:15-17. 1Ιω 5:15,16.

³³) 18:16,22· 31:55· 32:26.

 

Σημειώσεις 18ου κεφαλαίου

(1) ῾Ετέρα γραφή· νίψατε

(2) ἕλαβεν ἁπαλὸν μοσχάριον (ΠΜ)

(3) ῾Ετέρα γραφή· εἶπον

(4) ῾Ετέρα γραφή· ἀναστρέφων

(5) ᾿Ενιαχοῦ παραλείπεται.

(6) πρὸς (ΠΜ)

(7) ῾Ετέρα γραφή· ἀδυνατεῖ

(8) Παραλείπεται εἰς ΠΜ

(9) ἐναντίον (ΠΜ)

(10) ῾Ετέρα γραφή· Θεοῦ.

(11) ᾿Αντὶ εὕρω... δικαίους ΠΜ ἔχει· ὦσιν... δίκαιοι

(12) ΠΜ προσθέτει· ὅλην τὴν πόλιν καὶ

(13) ἐλαττονωθῶσιν (ΠΜ)

(14) ἀπολεῖς (ΠΜ)

(15) προσέθηκεν (ΠΜ)

(16) αὐτὸν (ΠΜ)

(17) εἶπεν· ᾿Εὰν δὲ (ΠΜ)

(18) ᾿Αντὶ ἐὰν εὕρω [ἑτέρα γραφή· εὑρεθῶσιν] ἐκεῖ ΠΜ ἔχει· ἕνεκεν τῶν

(19) Παραλείπεται εἰς ΠΜ.

(20) ᾿Αντὶ ἕνεκεν τῶν ΠΜ ἔχει· ἐὰν εὕρω ἐκεῖ

(21) καὶ ᾿Αβραὰμ ἀπέστρεψεν (ΠΜ)

῞Ετεραι παραπομπαί. ³⁰) Ἐσθὴρ 4:11-16.

 

 

᾿Εξηγήσεις συμβόλων καὶ στοιχείων