συμβολή

Γένεσις

ΚΕΦΑΛΑΙΟΝ 15

[Λόγος 17ος]

¹ Μετὰ δὲ τὰ ῥήματα ταῦτα ⁽¹⁾ἐγένετο ῥῆμα Κυρίου πρὸς ῎Αβραμ λέγων ἐν ὁράματι τῆς νυκτός· ^1β «Μὴ φοβοῦ ῎Αβραμ, ἐγὼ ὑπερασπίζω σου· ὁ μισθός σου πολὺς ἔσται σφόδρα». ² λέγει δὲ ῎Αβραμ· «Δέσποτα [Κύρι­ε]⁽²⁾, τί μοι δώσεις; ἐγὼ δὲ ἀπολύομαι ἄτεκνος· ^2β ὁ δὲ υἱὸς Μασὲκ τῆς οἰ­κογενοῦς μου, οὗτος Δαμασκὸς ᾿Ελιέζερ». ³ καὶ εἶπεν ῎Αβραμ· «᾿Επειδὴ ἐμοὶ οὐκ ἔδωκας σπέρμα, ὁ [δὲ]⁽³⁾ οἰκογενής μου κληρονομήσει με⁽⁴⁾». ⁴ καὶ εὐθὺς φωνὴ Κυρίου⁽⁵⁾ ἐγένετο πρὸς αὐτὸν λέγουσα· ^4β «Οὐ κληρονομή­σει σε οὗτος, ἀλλ᾿ ὃς ἐξελεύσεται ἐκ σοῦ, οὗτος κληρονομήσει σε». ⁵ ἐξήγα­γε δὲ αὐτὸν ἔξω καὶ εἶπεν αὐτῷ· «᾿Ανάβλεψον δὴ εἰς τὸν οὐρανὸν ^5β καὶ ἀ­ρίθμησον τοὺς ἀστέρας, εἰ δυνήσῃ ἐξαριθμῆσαι αὐτούς». ^5γ καὶ εἶπεν· «Οὕ­τως ἔσται τὸ σπέρμα σου». ⁶ καὶ ἐπίστευσεν ῎Αβραμ τῷ Θεῷ, καὶ ἐλογίσθη αὐτῷ εἰς δικαιοσύνην. ⁷ εἶπε δὲ πρὸς αὐτόν· «᾿Εγὼ ὁ Θεὸς ὁ ἐξαγαγών σε ἐκ χώρας Χαλδαίων, ^7β ὥστε δοῦναί σοι τὴν γῆν ταύτην κληρονομῆσαι [αὐ­τήν]⁽⁶⁾». ⁸ εἶπεν οὖν⁽⁷⁾· «Δέσποτα [Κύριε]⁽²⁾, κατὰ τί γνώσομαι ὅτι κληρονο­μήσω αὐτήν;» ⁹ εἶπε δὲ αὐτῷ· «Λάβε μοι δάμαλιν τριετίζουσαν καὶ αἶγα τριετίζουσαν ^9β καὶ κριὸν τριετίζοντα καὶ τρυγόνα καὶ περιστεράν». ¹⁰ ἔλα­βε δὲ αὐτῷ πάντα ταῦτα καὶ διεῖλεν αὐτὰ μέσα  ^10β καὶ ἔθηκεν αὐτὰ ἀντιπρό­σωπα ἀλλήλοις, τὰ δὲ ὄρνεα οὐ διεῖλε. ¹¹ κατέβη δὲ [τὰ]⁽⁸⁾ ὄρνεα ἐπὶ τὰ σώματα, ἐπὶ⁽⁹⁾ τὰ διχοτομήματα αὐτῶν, καὶ συνεκάθησεν αὐτοῖς ῎Αβραμ. ¹² περὶ δὲ ἡλίου δυσμὰς ἔκστασις ἐπέπεσε τῷ ῎Αβραμ, ^12β καὶ ἰδοὺ φόβος μέ­γας καὶ σκοτεινὸς⁽¹⁰⁾ ἐπιπίπτει αὐτῷ. ¹³ καὶ ἐρρέθη πρὸς ῎Αβραμ· «Γινώ­σκων γνώσῃ ὅτι πάροικον ἔσται τὸ σπέρμα σου ἐν γῇ οὐκ ἰδίᾳ, ^13β καὶ δου­λώσουσιν αὐτοὺς καὶ κακώσουσιν αὐτοὺς καὶ ταπεινώσουσιν αὐτοὺς ἔτη τετρακόσια⁽¹¹⁾. ¹⁴ τὸ δὲ ἔθνος, ᾧ ἐὰν δουλεύσωσι, κρινῶ ἐγώ· ^14β μετὰ δὲ ταῦτα ἐξελεύσονται ὧδε μετὰ ἀποσκευῆς πολλῆς. ¹⁵ σὺ δὲ ἀπελεύσῃ πρὸς τοὺς πατέρας σου ἐν εἰρήνῃ, τραφεὶς ἐν γήρᾳ καλῷ. ¹⁶ τετάρτῃ δὲ γενεᾷ ἀ­ποστραφήσονται ὧδε· ^16β οὔπω γὰρ ἀναπεπλήρωνται αἱ ἁμαρτίαι τῶν ᾿Α­μορραίων ἕως τοῦ νῦν».

¹⁷ ᾿Επεὶ δὲ ὁ ἥλιος ἐγένετο πρὸς δυσμάς, φλὸξ ἐγένετο, ^17β καὶ ἰδοὺ κλί­βανος καπνιζόμενος καὶ λαμπάδες πυρός, αἳ διῆλθον ἀνὰ μέσον τῶν διχο­τομημάτων τούτων. ¹⁸ ἐν τῇ ἡμέρᾳ ἐκείνῃ διέθετο Κύριος τῷ ῎Αβραμ δια­θήκην λέγων· ^18β «Τῷ σπέρματί σου δώσω τὴν γῆν ταύτην, ἀπὸ τοῦ ποτα­μοῦ Αἰγύπτου ἕως τοῦ ποταμοῦ τοῦ μεγάλου, ποταμοῦ Εὐφράτου, ¹⁹ τοὺς Κεναίους καὶ τοὺς Κενεζαίους καὶ τοὺς Κεδμωναίους ²⁰ καὶ τοὺς Χετταί­ους καὶ τοὺς Φερεζαίους καὶ Ραφαῒν καὶ τοὺς ᾿Αμορραίους ^20β καὶ τοὺς Χαναναίους καὶ τοὺς Εὐαίους καὶ τοὺς Γεργεσαίους καὶ τοὺς ᾿Ιεβουσαί­ους».

Παραπομπαί

(ἡ παραπομπὴ Χ:0 σημαίνει ὅλον τὸ Χ κεφάλαιον)

15. ¹) 26:24. Ψ 2:3· 3:3· 5:12· 15:5· 18:2· 18:11· 26:7· 57:11. 83:11· 90:4· 118:114. Πρμ 11:18. Δν 10:1,12. Λκ 1:13,30. Πρξ 10:10,11.

^1-6) 17:0. Ησ 51:1· 54:3.

²) 16:1. Πρξ 7:5.

³) 14:14.

⁴) 16:11. 2Βασ 7:12. 2Παρ 32:21.

⁵) 12:2· 13:16· 22:17· 24:4. Εξ 32:13. Δευτ 1:10· 10:22. 1Παρ 27:23. Ψ 146:4. Ιερ 40:22. Ιω 8:56. Ρμ 4:18. Εβρ 11:12.

⁶) Ψ 105:31. Ρμ 4:3,7,9,18,22. Γαλ 3:6. Ιακ 2:23.

⁷) 11:28,31· 12:1,7. Ψ 104:11,42,44. Ρμ 4:13.

^7-20) Ρωμ 4:0. Γαλ. 3:6.

⁸) 24:13,14. Κρ 6:17,37. 1Βασ 14:9,10. 4Βασ 20:8. Λκ 1:18. 

⁹) 22:13. Λευ 1:3,10,14· 3:1,6· 9:2,4· 12:8· 14:22,30. Ψ 49:5. Ησ 15:5. Λκ 2:24.

¹⁰) Λευ 1:17. Ιερ 41:18,19.  

¹¹) Ψ 118:13. Ιεζ 17:3,7. Μτ 13:4.

¹²) 2:21. Ιωβ 4:12-16.

¹³) Εξ 1:1-14· 12:40. Κρ 5:10-11. Ψ 104:23,25. Πρξ 7:6-7. Γαλ 3:17.

¹⁴) Εξ 3:22· 6:6· 11:2· 12:36,40-41. Δευτ 6:22. Ψ 104:37. Γαλ 3:17. Πρξ 7:7· 13:19.

¹⁵) Γεν 25:7,8. Ιωβ 5:26. Πρξ 13:36.

¹⁶) 18:32. Εξ 12:40. Δν 8:23. 3Βασ 20:26. Μτ 23:32. 1Θεσ 2:16.

¹⁷) Εξ 12:21· 19:18. Κρ 6:21· 13:19,20. Ιωβ 4:14. Ιερ 41:18,19. 2Παρ 7:1.

¹⁸) 6:18· 12:7· 13:15· 24:7· 26:4. Εξ 23:31· 32:13. Αρ 34:3. Δευτ 1:7,8· 11:24· 34:4. ΙσΝ 1:4· 13:1-14. Ψ 104:11. 3Βασ 4:21. 2Παρ 9:26. Ησ 27:12. Νε 9:8. Πρξ 7:5.

¹⁹) Αρ 24:21,22.

²⁰) Εξ 3:8,17· 34:11. Δευτ 7:1.

Σημειώσεις 15ου κεφαλαίου

(1) ἐγένετο ῥῆμα... τῆς νυκτός· ἐν ΠΜ ἔχει οὕτως· ἐγενήθη ῥῆμα Κυρίου πρὸς ῎Αβραμ ἐν ὁράματι λέγων

(2) Τὸ Κύριε πολλαχοῦ παραλείπεται.

(3) δὲ · ἐν ἄλλοις παραλείπεται.

(4) κληρονομήσει μοι (ΠΜ).

(5) Κυρίου· ἐν ἄλλοις παραλείπεται.

(6) αὐτήν· παραλείπεται ἐν ΠΜ.

(7) εἶπε δέ (ΠΜ).

(8) τὰ · παραλείπεται ἐν ΠΜ.

(9) ᾿Ενιαχοῦ τὸ ἐπὶ παραλείπεται.

(10) φόβος σκοτεινὸς μέγας (ΠΜ).

(11) ἔτη τετρακόσια· ἀντιμετάθεσις λέξεων ἐν ΠΜ.

᾿Εξηγήσεις συμβόλων καὶ στοιχείων