συμβολή

Α΄ πρὸς Κορινθίους

ἐπιστολὴ Παύλου

ΚΕΦΑΛΑΙΟΝ 5

¹ ὅλως ἀκούεται ἐν ὑμῖν πορνεία, καὶ τοιαύτη πορνεία, ^1β ἥ τις οὐδὲ ἐν τοῖς ἔθνεσιν ὀνομάζεται, ὥστε γυναῖκά τινα τοῦ πατρὸς ἔχειν. ² καὶ ὑμεῖς πε­φυσιωμένοι ἐστέ, καὶ οὐχὶ μᾶλλον ἐπενθήσατε, ^2β ἵνα ἐξαρθῇ ἐκ μέσου ὑμῶν ὁ τὸ ἔργον τοῦτο ποιήσας! ³ ἐγὼ μὲν γὰρ ὡς ἀπὼν τῷ σώματι, πα­ρὼν δὲ τῷ πνεύματι, ^3β ἤδη κέκρικα ὡς παρὼν τὸν οὕτω τοῦτο κατεργασά­μενον, ⁴ ἐν τῷ ὀνόματι τοῦ Κυρίου ἡμῶν ᾿Ιησοῦ Χριστοῦ συναχθέντων ὑμῶν καὶ τοῦ ἐμοῦ πνεύματος ^5β σὺν τῇ δυνάμει τοῦ Κυρίου ἡμῶν ᾿Ιησοῦ Χρι­στοῦ ⁵ παραδοῦναι τὸν τοιοῦτον τῷ σατανᾶ εἰς ὄλεθρον τῆς σαρκός, ^5β ἵνα τὸ πνεῦμα σωθῇ ἐν τῇ ἡμέρᾳ τοῦ Κυρίου ᾿Ιησοῦ.

⁶ Οὐ καλὸν τὸ καύχημα ὑμῶν. ^6β οὐκ οἴδατε ὅτι μικρὰ ζύμη ὅλον τὸ φύραμα ζυμοῖ; ⁷ ἐκκαθάρατε [οὖν] τὴν παλαιὰν ζύμην, ἵνα ἦτε νέον φύρα­μα, καθώς ἐστε ἄζυμοι. ^7β καὶ γὰρ τὸ πάσχα ἡμῶν ὑπὲρ ἡμῶν ἐτύθη Χρι­στός· ⁸ ὥστε ἑορτάζωμεν μὴ ἐν ζύμῃ παλαιᾷ, μηδὲ ἐν ζύμῃ κακίας καὶ πο­νηρίας, ^8β ἀλλ᾿ ἐν ἀζύμοις εἰλικρινείας καὶ ἀληθείας.

⁹ ῎Εγραψα ὑμῖν ἐν τῇ ἐπιστολῇ μὴ συναναμίγνυσθαι πόρνοις, ¹⁰ καὶ οὐ πάντως τοῖς πόρνοις τοῦ κόσμου τούτου ἢ τοῖς πλεονέκταις ἢ ἅρπαξιν ἢ εἰδωλολάτραις· ^10β ἐπεὶ ὀφείλετε ἄρα ἐκ τοῦ κόσμου ἐξελθεῖν· ¹¹ νῦν δὲ ἔ­γραψα ὑμῖν μὴ συναναμίγνυσθαι ἐάν τις ἀδελφὸς ὀνομαζόμενος ᾖ πόρνος ^11β ἢ πλεονέκτης ἢ εἰδωλολάτρης ἢ λοίδορος ἢ μέθυσος ἢ ἅρπαξ, ^11γ τῷ τοι­ούτῳ μηδὲ συνεσθίειν ¹² τί γάρ μοι καὶ τοὺς ἔξω κρίνειν; οὐχὶ τοὺς ἔσω ὑμεῖς κρίνετε; ¹³ τοὺς δὲ ἔξω ὁ Θεὸς κρίνει. καὶ ἐξαρεῖτε τὸν πονηρὸν ἐξ ὑμῶν αὐτῶν.

Παραπομπαί

(ἡ παραπομπὴ Χ:0 σημαίνει ὅλον τὸ Χ κεφάλαιον)

5. ¹) Λευ 18:8. Δευτ 22:30· 27:20. 1Κορ 6:15,18. 2Κορ 2:5· 7:12· 12:21. Εφ 5:3. (Μρ 6:18).

²) 5:6· 4:6-8. Κλσ 2:14. 2Θεσ 2:7.

^3-5) 11:32. 2Κορ 2:7. Κλσ 2:5. 1Τιμ 1:20. 1Πετ 4:6. Μτ 16:19· 18:15-20.

⁴) Ιω 20:23. 

⁵) 5:13· 1:8· 11:32. 2Κορ 2:6,7· 10:6· 13:10. 2Θεσ 3:14,15. Γαλ 6:1,2. Φιλ 1:6. 1Τιμ 1:20. 2Τιμ 1:18. Πρξ 26:18. Ιακ 5:19,20. 2Πετ 3:12. Ιδ 22,23. 1Ιω 5:16. Ψ 108:6. Ιωβ 2:6.

⁶) 5:2· 15:33. Γαλ 5:9. 2Τιμ 2:17. Ιακ 4:16. Μτ 13:33.

⁷) 15:3. Ησ 53:7. Ιω 1:29. 1Πετ 1:19.

^7-8) Εξ 12:3,15-21· 13:7. Ρμ 3:25· 6:3-6· 12:2. Ιω 1:29· 19:36. Μτ 16:6,12.

⁸) Δευτ 16:3.

⁹) 5:2,7. Μτ 18:17. 2Κορ 6:14. Εφ 5:11. 2Θεσ 3:14.

^9-10) 5:11,12· 10:27,28. 2Κορ 6:17.

¹¹) 6:9,10· 10:14,20-21. 2Κορ 6:14-16. Ρμ 16:17. Εφ 5:3, 2Θεσ 3:6,14,15. 2Ιω 10. Μτ 18:17.

¹²) Κλσ 4:5. 1Θεσ 4:12. 1Τιμ 3:7. Μρ 4:11.

¹³) Δευτ 13:5· 17:7· 21:21· 22:21,22,24.

᾿Εξηγήσεις συμβόλων καὶ στοιχείων