συμβολή

Γένεσις

ΚΕΦΑΛΑΙΟΝ 12

[Λόγος 13ος]

¹ Καὶ εἶπε Κύριος τῷ ῎Αβραμ· «Ἔξελθε ἐκ τῆς γῆς σου καὶ ἐκ τῆς συγγενείας σου καὶ ἐκ τοῦ οἴκου τοῦ πατρός σου ^1β καὶ δεῦρο εἰς τὴν γῆν ἣν ἄν σοι δείξω· ² καὶ ποιήσω σε εἰς ἔθνος μέγα καὶ εὐλογήσω σε καὶ με­γαλυνῶ τὸ ὄνομά σου, καὶ ἔσῃ εὐλογημένος· ³ καὶ εὐλογήσω τοὺς εὐλο­γοῦντάς σε καὶ τοὺς καταρωμένους σε καταράσομαι· ^3β καὶ ἐνευλογηθή­σονται ἐν σοὶ πᾶσαι αἱ φυλαὶ τῆς γῆς».

⁴ Καὶ ἐπορεύθη ῎Αβραμ, καθά περ ἐλάλησεν αὐτῷ Κύριος, καὶ ᾤχετο μετ᾿ αὐτοῦ Λώτ. ^4β ῎Αβραμ δὲ ἦν ἐτῶν ἑβδομήκοντα πέντε, ὅτε ἐξῆλθεν ἐκ Χαρράν. ⁵ καὶ ἔλαβεν ῎Αβραμ Σάραν τὴν γυναῖκα αὐτοῦ καὶ τὸν Λὼτ υἱὸν τοῦ ἀδελφοῦ αὐτοῦ ^5β καὶ πάντα τὰ ὑπάρχοντα αὐτῶν ὅσα ἐκτήσαντο, καὶ πᾶσαν ψυχὴν ἣν ἐκτήσαντο ἐκ Χαρράν, ^5γ καὶ ἐξῆλθον⁽¹⁾ πορευθῆναι εἰς γῆν Χαναάν.

⁶ Καὶ διώδευσεν ῎Αβραμ τὴν γῆν εἰς τὸ μῆκος αὐτῆς ἕως τοῦ τόπου Συχέμ, ἐπὶ τὴν Δρῦν τὴν ὑψηλήν· ^6β οἱ δὲ Χαναναῖοι τότε κατῴκουν τὴν γῆν. ⁷ καὶ ὤφθη Κύριος τῷ ῎Αβραμ καὶ εἶπεν αὐτῷ· «Τῷ σπέρματί σου δώ­σω τὴν γῆν ταύτην». ^7β καὶ ᾠκοδόμησεν ἐκεῖ ῎Αβραμ θυσιαστήριον Κυρίῳ τῷ ὀφθέντι αὐτῷ.

⁸ Καὶ ἀπέστη ἐκεῖθεν εἰς τὸ ὄρος κατὰ ἀνατολὰς Βεθὴλ καὶ ἔστησεν ἐκεῖ τὴν σκηνὴν αὐτοῦ, ^8β Βεθὴλ κατὰ θάλασσαν καὶ ᾿Αγγαῒ κατὰ ἀνατο­λάς· ^8γ καὶ ᾠκοδόμησεν ἐκεῖ θυσιαστήριον τῷ Κυρίῳ καὶ ἐπεκαλέσατο ἐπὶ τῷ ὀνόματι Κυρίου. ⁹ καὶ ἀπῇρεν ῎Αβραμ καὶ πορευθεὶς ἐστρατοπέδευσεν ἐν τῇ ἐρήμῳ.

[Λόγος 14ος]

¹⁰ Καὶ ἐγένετο λιμὸς ἐπὶ τῆς γῆς, καὶ κατέβη ῎Αβραμ εἰς Αἴγυπτον παροικῆσαι ἐκεῖ, ^10β ὅτι ἐνίσχυσεν ὁ λιμὸς ἐπὶ τῆς γῆς. ¹¹ ἐγένετο δέ, ἡνίκα ἤγγισεν ῎Αβραμ εἰσελθεῖν εἰς Αἴγυπτον, εἶπεν ῎Αβραμ Σάρᾳ τῇ γυναικί· ^11β «Γινώσκω ἐγὼ ὅτι γυνὴ εὐπρόσωπος εἶ· ¹² ἔσται οὖν, ὡς ἂν ἴδωσί σε οἱ Αἰγύπτιοι, ἐροῦσιν ὅτι Γυνὴ αὐτοῦ ἐστιν αὐτή, ^12β καὶ ἀποκτενοῦσί με, σὲ δὲ περιποιήσονται. ¹³ εἰπὸν οὖν ὅτι ᾿Αδελφὴ αὐτοῦ εἰμι, ^13β ὅπως ἂν εὖ μοι γένηται διὰ σέ, καὶ ζήσεται ἡ ψυχή μου ἕνεκέν σου».

¹⁴ ᾿Εγένετο δέ, ἡνίκα εἰσῆλθεν ῎Αβραμ εἰς Αἴγυπτον, ^14β ἰδόντες οἱ Αἰγύ­πτιοι τὴν γυναῖκα αὐτοῦ, ὅτι καλὴ ἦν σφόδρα, ¹⁵ καὶ εἶδον αὐτὴν οἱ ἄρχοντες φαραὼ καὶ ἐπῄνεσαν αὐτὴν πρὸς φαραὼ ^15β καὶ εἰσήγαγον αὐτὴν εἰς τὸν οἶκον φαραώ· ¹⁶ καὶ τῷ ῎Αβραμ εὖ ἐχρήσαντο δι᾿ αὐτήν, ^16β καὶ ἐγέ­νοντο αὐτῷ πρόβατα καὶ μόσχοι καὶ ὄνοι καὶ παῖδες καὶ παιδίσκαι καὶ ἡμίονοι καὶ κάμηλοι.

¹⁷ Καὶ ἤτασεν ὁ Θεὸς τὸν φαραὼ ἐτασμοῖς μεγάλοις καὶ πονηροῖς καὶ τὸν οἶκον αὐτοῦ περὶ Σάρας τῆς γυναικὸς ῎Αβραμ. ¹⁸ καλέσας δὲ φαραὼ τὸν ῎Αβραμ εἶπε· «Τί τοῦτο ἐποίησάς μοι, ^18β ὅτι οὐκ ἀπήγγειλάς μοι, ὅτι γυνή σου ἐστίν; ¹⁹ ἱνατί εἶπας ὅτι ᾿Αδελφή μου ἐστί; καὶ ἔλαβον αὐτὴν ἐμαυτῷ γυναῖκα· ^19β καὶ νῦν ἰδοὺ ἡ γυνή σου ἔναντί σου· λαβὼν ἀπότρεχε». ²⁰ καὶ ἐνετείλατο φαραὼ ἀνδράσι περὶ ῎Αβραμ συμπροπέμψαι αὐτὸν καὶ τὴν γυναῖκα αὐτοῦ καὶ πάντα ὅσα ἦν αὐτῷ.

Παραπομπαί

(ἡ παραπομπὴ Χ:0 σημαίνει ὅλον τὸ Χ κεφάλαιον)

12. ¹) 11:31,32· 15:7. ΙσΝ 24:2,3. Νε 9:7. Ψ 44:10,11. Ησ 41:2,8-9· 51:2. Ιεζ 33:24. Λκ 14:26-33. Πρξ 7:2-6. 2Κορ 6:17. Εβρ 11:8-10. Απ 18:4.

²) 13:16· 15:5· 17:4-6,46· 18:18· 22:17· 24:35· 26:4,24· 28:4· 35:11· 47:27· 48:4. Δευτ 26:5. 3Βασ 3:8. Ησ 51:2. Γαλ 3:14,16. Εβρ 11:12.

³) 18:18· 22:18· 26:4· 27:29· 28:14. Εξ 23:22. Αρ 24:9. Ιερ 4:2. Ψ 71:17. Πρξ 3:25. Γαλ 3:8-9,16.

⁴) 11:27,31. Εβρ 11:8.

⁵) 14:14,21· 46:5-26· 11:31. Πρξ. 7:4. Εβρ 11:8,9.

⁶) 13:7· 33:18-20. Δευτ 11:30. ΙσΝ 24:0. Κρ 7:1. 3Βασ 12:1-16. Ιω 4:5. Εβρ 11:9.

⁷) 13:4,15· 15:18· 17:1,8· 24:7· 26:3,4· 28:13· 35:12· 48:4. Δευτ 1:7-8· 34:4. Ψ 104:9,11. Πρξ 3:26· 7:5. Γαλ 3:16.

⁸) 13:4· 28:10-22. Κρ 1:22-26· 20:26-27. 3Βασ 12:29· 13:34. Αμ 4:4· 5:5-6· 7:10-13.

⁹) 13:3· 24:62. Ψ 104:13. Εβρ 11:13,14.

¹⁰) 26:1-3· 42:1-2,5· 43:1· 46:3,4· 47:13. Ρθ 1:1. 2Βασ 21:1. 4Βασ 4:38· 6:25· 8:1,2. Ψ 33:19· 104:13· 106:34. Ιερ 14:1. Ιω 16:33. Πρξ 7:11· 14:22.

^10-20) 20:0· 26:1-11. Ψ 104:13-15.

¹¹) 12:14· 26:7· 29:17· 39:6,7. 2Βασ 11:2. Πρμ 21:30. Ασ 1:14.

¹²) 20:11· 26:7. 1Βασ 27:1. Πρμ 29:25. Μτ 10:28. 1Ιω 1:8-10.

¹³) 11:29· 20:2,5,12,13· 26:7. Ψ 145:3-5. Ησ 57:11. Ιερ 17:5-8. Ιεζ 18:4. Μτ 26:69-75. Ιω 8:44. Ρμ 3:6-8· 6:23. Κλσ 3:6. Γαλ 2:12,13.

¹⁴) 3:6· 6:2·39:6-7. Μτ 5:28.

¹⁵) 20:2.

¹⁶) 13:2· 20:14· 24:35· 26:14· 32:5,13-15. Ιωβ 1:3· 42:12. Ψ 143:13,14.

¹⁷) 20:18. 1Παρ 16:21· 21:22. Ψ 104:14,15. Ιωβ 34:19. Εβρ 13:4.

^18-19) 12:13· 3:13· 4:10· 20:9,10· 26:9-11· 31:26· 44:15. Εξ 32:21. ΙσΝ 7:19. 1Βασ 14:43. Πρμ 21:1.

²⁰) Εξ 18:27. 1Βασ 29:6-11. Ψ 104:14,15. Πρμ 21:1.

Σημειώσεις 12ου κεφαλαίου

(1) ἐξήλθοσαν (ΠΜ)

῞Ετεραι παραπομπαί. ⁶) (Γένεσις 10:18-19.)

᾿Εξηγήσεις συμβόλων καὶ στοιχείων